Edhe pse në javën e tij të parë, AAC shënon disa fakte shumë interesante dhe rekorde që priten të thyhen në javët në vazhdim. Tetë nga njëzet këngët e klasifikuara janë prodhime shqiptare, dhe pjesa tjeter, 60% e klasifikimit, dominohet nga prodhime të huaja; amerikane, angleze, latine, etj.
“Albanian Airplay Chart”, risia më e re nga InfoMedia Albania
Bonbon vjen e dyta në klasifikim me Era Istrefin e cila tashmë ka marrë famë ndërkombëtare jo vetëm në Evropë, por edhe në kontinetin e largët të Amerikës. Vlen për t’u vlerësuar fakti se edhe pse ky single është lançuar në fund të 2015 dhe vazhdon akoma të jetë shumë i dëgjuar nga shqiptarët. Më poshtë kemi bashkpunimin e kanadezit Drake me Wizkid dhe këngetaren angleze Kyla që vijnë në pozicionin e katërt, që pasohet nga repisti shqiptar Noizy në pozicionin e pestë me “The Baddest” i cili ka vendosur një rekord që në javën e parë të AAC. Veç “The Baddest”, tre këngë të tjera nga mixtape-i më i ri i Noizy-t, “Zin City”, kanë arritur të gjitha të klasifikohen në AAC; “Grande” në pozicionin e shtatë, “Shut the place down (feat. Varrosi)” në pozicionin e 16-të dhe “Flight mode (feat. Lil Koli)” që mbyll klasifikimin e javës së parë. Noizy deri më tani është i vetmi artist me katër këngë në klasifikim dhe me dy prej tyre brenda Top 10. Kjo arritje e bën atë dhe të parin këngetar të këtij klasifikimi me katër këngë nga i njëjti mixtape. Rihanna vjen pas tij me dy nga këngët e saj në klasifikim: “Work (feat. Drake)” në pozicionin e 13-të dhe me këngën e Calvin Harris “This Is What You Came For (feat. Rihanna)” në pozicionin e gjashtë. Drake gjithashtu ka dy prej këngëve të tij në klasifikim; “One Dance (feat. Wizkid & Kyla) dhe “Work (feat. Drake)” nga Rihanna. MC Kresha dhe Lyrical Son sapo kanë publikuar dhe albumin e tyre më të ri “Rapsodët N’rap T’sotit”, që përmban këngën “Ky Tipi” e cila klasifikohet e 18-ta. Në vend të parë këtë javë kemi këngëtaren australiane Sia me “Cheap Thrills” e cila shënon një sukses të madh për shkak se kënga është lançuar edhe në versionin remix që përmban edhe këngëtarin Sean Paul. Kjo gjë ka bërë që “Cheap Thrills” të jetë në majë të klasifikimit për këtë javë.
Na ndiqni javën tjetër për të parë se si do të ndryshojë klasifikimi dhe a do të ketë prurje të reja në AAC.
© IMA (InfoMedia Albania) / Albanian Airplay Chart
