Takimi për Euro 2016, Francë – Shqipëri ka qenë mbrëmjen e djeshme padyshim edhe shfaqja televizive më e ndjekur në Shqipëri. Edhe pse nuk kemi shifra konkrete nga një matës zyrtar i audiencës vemendja e të gjithëve ka qenë e përqëndruar në ekranin e Top Channel, pavarësisht të qenit tifozë apo jo pothuajse askush nuk e ka humbur këtë ngjarje historike për futbollin shqiptar. Edhe pse rezultati 2-0 nuk do të kishim dashur të ishte ai të gjithë i jemi gëzuar Kombëtares Kuq e Zi.
E ndërsa të gjithë shqiptarët kanë zgjedhur ekranin e Top Channel për të përcjellë këtë takim, në Itali bashkëkombasit që jetojnë atje por edhe publiku italian ka zgjedhur Rai 1, i cili ka rezultuar si kanali me audiencën më të lartë, pikërisht gjatë transmetimit të ndeshjes Francë – Shqipëri me 7.227.000 spektatorë (share 28,71%).
