“Albanian Airplay Chart” është risia më e re që vjen në faqen InfoMedia Albania. Ky klasifikim bazohet në komponentët airplay dhe streaming të të gjithë shqiptarëve të Shqiperisë dhe Kosovës.
“Albanian Airplay Chart” ka si parim matjen e popullaritetit të këngëve në bazë të matjes së të dhënave që vijnë në ndihmë nga aplikacione që shërbejnë për rregjistrimet airplay dhe shkarkimet online si Deezer, Shazam, YouTube.
Me këtë risi, ne kërkojmë të pasurojmë akoma më shumë tregun muzikor shqiptar duke hedhur drite mbi informacione të nevojshme si për degjuesit e rregullt të muzikës, por edhe për ata që i publikojnë këto materiale. Duhet venë re që në këtë klasifikim merren parasysh veç këngëve shqiptare edhe prodhimet e huaja, që kanë qenë pjesë e shijeve muzikore shqiptare për vite me rradhe duke dominuar edhe shërbimet online të perdorura nga shqiptarët. Fatkeqësisht në Shqipëri nuk egziston akoma një treg muzikor i mirëfilltë, ku artistët të mund të bazohen në shitjen e këngëve të tyre apo edhe albumeve si fizikisht ashtu edhe në mënyre elektronike në iTunes, Amazon, etj. Pavarësisht kësaj, ka hapa shumë të ngadaltë drejt modernizimit dhe ndërkohë “AAC” pasqyron një komponent shumë të rëndësishëm të një tregu akoma inegzistent por mjaft popullor në Shqipëri.
Ky klasifikim do të jetë javor dhe do të ketë vetëm 20 pozicione, për shkak se edhe të dhënat disa herë përputhen mjaft afër me njëra-tjetrën. Klasifikimi i ri do të publikohet çdo të enjte në portalin e InfoMedia Albania ku të gjithë ju mund të informoheni për këngët tuaja të preferuara dhe renditjen e tyre në klasifikim.
© IMA (InfoMedia Albania)
Comments 1