Albano Bogdo ka rrëfyer së fundmi përvojën e tij të vështirë me famën dhe alkoolin, duke pranuar se për disa vite, pas përfundimit të fakultetit dhe hyrjes në televizion, kishte filluar të pinte në mënyrë të vazhdueshme. Aktori i njohur i humorit theksoi se fama dhe rrogat e larta që filloi të merrte menjëherë pas hyrjes në skenë e kishin çuar në një krizë personale, ku ai nuk dinte si të menaxhonte jetën e tij të re.
Bogdo tregon se si, pas përfundimit të spektakleve të humorit 2XL, shkonte menjëherë në lokale dhe konsumonte alkool për të “përballuar” famën dhe të gjithë vëmendjen që ajo sillte. Ai pranon se situata u përkeqësua aq shumë sa në 2016 vendosi të largohej plotësisht nga pijet alkoolike. Aktualisht, ai pohon se pi vetëm ndonjë birrë, duke shtuar me humor se edhe një sasi e vogël alkooli e bën të ndihet “si karagjoz”.
Ndërsa fliste për ndikimin që fama kishte në marrëdhëniet e tij me vajzat, ai rrëfeu se ndryshimi në sjelljen e tyre ishte i menjëhershëm sapo filloi të shfaqej në televizion, gjë që e tronditi psikologjikisht. Bogdo zbuloi se tani dëshiron të gjejë një vajzë serioze, që t’i ngjajë nënës së tij, dhe se po pret të bëhet baba, por ende nuk ka gjetur partneren e duhur.
Në rrëfimin e tij, ai përmendi një ngjarje me një vajzë, ku ai e kishte larguar nga shtëpia pasi ajo e kishte sfiduar për temën e nudizmit dhe të palestrës, ndërkohë që ai pihej rregullisht katër shishe uiski në ditë.
