Tuna Sejdi vijon të kërkojë shpërblimin e fituar nga “Dancing With The Stars Albania” pas 7 vitesh
Këngëtarja e njohur shqiptare, Tuna Sejdi, ka rikthyer vëmendjen te një çështje që ka mbetur pezull prej 7 vitesh. Në një postim në Instagram, Tuna kujtoi fitoren e saj në spektaklin “Dancing With The Stars Albania”, duke theksuar se ende nuk ka marrë shpërblimin e premtuar, i cili ishte një apartament në Tiranë.
Në postimin e saj ironik, ajo shkruan: “Sot 7 vjet fitova ‘Dancing With The Stars Albania’, çmimi i premtuar ishte një apartament në Tiranë… garant ende është tu u ndërtu.” Ky koment ka ngjallur reagime në publik, ku shumë prej ndjekësve të saj kanë shprehur mbështetjen dhe zhgënjimin për premtimin e pambajtur.
Megjithatë, çështja e shpërblimit të Tunës nuk është e re. Në vitin 2015, pas akuzave të mëparshme, producentja e spektaklit Holta Dulaku kishte reaguar publikisht përmes një postimi në Facebook, duke përgënjeshtruar pretendimet e këngëtares. Dulaku theksoi se të gjithë fituesit e spektaklit, përfshirë edhe Tunën, kishin marrë shpërblimet e tyre sipas rregullave të kontratës. Ajo shtoi se përveç çmimit monetar, Tuna kishte marrë edhe një kupë floriri, me vlerë 15 milionë lekë të vjetra.
Në deklaratën e saj, Dulaku u shpreh: “Cdo fitues dhe pjesëmarrës në këtë spektakël është shpërblyer sipas kontratave, rregullave dhe kushteve të këtij formati. Pretendimet e kundërta janë të rreme dhe për qëllime konkurruese televizive.” Gjithashtu, ajo paralajmëroi se çdo akuzë e mëtejshme do të përballohej me përgjegjësi ligjore.
Megjithatë, pas 7 vitesh, Tuna vazhdon të këmbëngulë se apartamenti i premtuar nuk i është dorëzuar kurrë. Nga ana tjetër, dokumentet e siguruara nga produksioni pretendojnë se këngëtarja ka marrë një shpërblim monetar prej 30,000 eurosh.
Në dokumentin e siguruar nga IMA, këngëtarja ka deklaruar se ka përfituar çmimin përkatës. Ndaj reagimi i këngëtares në këtë rast duket i pa bazë dhe na lind pyetja: Mos ndoshta vallë kjo është bërë qëllimisht për vëmendje?
Le të presim reagimin e rradhës!
