Në një mbrëmje plot emocione, të mbushur plot argëtim dhe alegri, “Dance With Me” ka shpallur çiftin fitues për këtë edicion të dytë.
Dyshja që publiku dhe juria do të zgjidhte si fitues do të ishin të cilët për rreth 14 javë shoqëruan shikuesit e TV Klan çdo të hënë mbrëma.
Ingriti Gjoni dhe Herioni Mustafaraj u shpallen fitues të performances ndërsa Albërie Hadërgjonaj dhe Vesel Kurtishaj janë shpallur fitues të publikut duke çuar në shtëpi kupën e artë të edicionit të dytë.
Një tjetër ishte çmimi “Albtelecom” që u dha që në fillim të spektaklit të cilin e rrëmbeu Dj.Sardi dhe Irena Kita.
Çifti Fitues i këtij edicioni do të ketë mundësinë që tashmë të kenë një makinë të re si shpërblim i mundit, përkushtimit dhe lodhjes të këtij kompeticioni.
Ndërkaq nata e sotme shënoi fundin e këtij edicioni të “DWM” i cili u përfol më tepër për konfliktet sesa për performancën.
Edhe pse Dance With Me përfundoi, dyshja e producenteve të “Klan-it”, Vejsiu-Grabocka do të rikthehen sërish në Janar me një tjetër format VIP-ash të titulluar “Your Face Sounds Familiar” një patentë ndërkombëtare e Endemol.
Info Media Albania | Nuk lejohet kopjimi i këtij materiali pa autorizim.
