Për Amazon nuk është më i mjaftueshëm një shërbim popullor i transmetimit të videove në streaming dhe gama e transmetuesve të mediave Fire TV. Sipas thashethemeve të fundit, gjiganti i tregtisë elektronike po përgatitet të shtojë një seri të vërtetë të Televizorëve Smart në gamën e pajisjeve elektronike të konsumit. Sipas këtyre zërave kjo pritet të ndodh në Shtetet e Bashkuara dhe ka të bëjë me tregun e Amerikës së Veriut, në të cilin Amazon do të nisë të hedh në treg televizorët me markën e saj që nga ky tetor.
Televizorët, sipas faqes Insider, do të prodhohen nga TCL në madhësi 55 dhe 75 inç dhe do të përdorin të njëjtën platformë softuerike si pajisjet Fire TV. Në fund të fundit, në Shtetet e Bashkuara dhe në disa vende evropiane, disa TV nga markat e tjera që përdorin të njëjtën platformë janë tashmë në shitje, sikur të kishin të integruar Fire TV Stick. Amazon zakonisht propozon kategori të reja produktesh në Shtetet e Bashkuara, me një zgjerim në tregjet ndërkombëtare që mund të zgjasë me vite, siç ka qenë për produktet e tjera në gamën e Fire TV.