Hoteli është tashmë i hapur! E pra, në prag të hapjes. Mirë, inagurimi do të jetë në tetor, por detaje të reja kanë dalë në lidhje me personazhet të cilët do të banojnë American Horror Story: Hotel kur të hap dyert këtë tetor me premierën në FX në 7 tetor.
Cast-i i sezonit të ardhshëm, i pesti për American Horror Story u zbulua në Beverly Hills gjatë ditës së FX në konferencën për shtyp te Television Critics’ Association. Ne vazhdim rolet e aktorëve më në detaj.
Lady Gaga – Ajo është padyshim ylli i sezonit dhe interpreton personazhin e quajtur Elizabeth, pronarja e hotelit: “Eshtë një grua shumë e pasur e shoqërise së lartë, e fiksuar pas artit, modës dhe njerëzve, dhe ka një plan të tmerrshëm që do të zbulohet në episodin e parë dhe do të zgjasë gjatë gjithë sezonit”.
Sarah Paulson – Interpreton rolin e Hypodermic Sally, e errët dhe e lëkundur, “urren Iris prej shumë kohësh për arsye që do të zbulohen së shpejti.” Jeton në hotel, është një përdoruese e drogës dhe është “shumë sexy. Eshtë një personazh ndryshe nga sa keni parë deri më tani. Ajo ka diçka të përbashkët me personazhin e Wes.”
Angela Bassett – Luan rolin e Ramona Royal, një aktore e vjetër që frekuenton hotelin, edhe pse ka një “marrëdhënie të neveritshme me Lady Gaga, për rrjedhojë në mënyrë të pashmangshme edhe me Finn Wittrock”.
Kathy Bates: Personazhi i saj quhet Iris dhe menaxhon hotelin e Elizabeth. Ka marrëdhënie me Matt Bomer dhe Wes Bentley, dhe nuk e duron dot personazhin e Sarah Paulson. Gjithashtu, është shumë e lidhur me Liz Taylor.
Chloe Sevigny: Interpreton Alex Lowe, nëna dhe mjeke. Familja Lowe kanë patur një humbje të rëndë nga e cila janë ende duke u përpjekur të rimarrin veten.
Matt Bomer – Interpreton Donovan, një mysafir i hotelit i lidhur me Tristan, Elizabeth dhe Ramona. “Ka një marrëdhënie shumë interesante me femrat”
Finn Wittrock – Interpreton rolin e modeli Tristan Duffy, hamshorin e hotelit, pre e tij Lady Gaga. Krijohet kështu trekëndëshi seksuale mes Ramona, Elizabeth dhe Tristan.
Cheyenne Jackson – Interpreton Will Drake. I zhvendosur nga New York-u në Los Angeles, është një ikonë e modës i cili ka nevojë për të rikrijuar kretivitetin e tij.
Denis O’Hare – Interpreton… Elizabeth Taylor. Barist i cili punon ngushtë me Iris. O’Hare shpjegon: “Nuk interpretoj tamam Liz Taylor, por dikë të frymëzuar nga madhështia e saj. Kam rruajtur kokën dhe pjesë të tjera të trupit për këtë rol”
Wes Bentley – Luan rolin e Detective John Lowe, bashkëshorti i Chloe Sevigny, i cili hyn në hotel për të hetuar një seri vrasjesh.
Murphy ka konfirmuar gjithashtu se të tjerë personazhe të njohur në sezonet e kaluar do të jenë pjesë e hotelit këtë vit.
Më poshtë posteri zyrtar promovues.
