Vera që sapo kaluam ka qenë e trazuar për spikerin e njohur Arben Mevlani. Megjithëse me një eksperiencë të rëndësishme mbi supe, atë largojnë nga puna si spiker lajmesh në televizionin Top Channel.
Ky veprim i punëdhënësve duket se e ka gjetur të papërgatitur Mevlanin dhe 5 ditë më parë ka ngritur një padi në Gjykatën e Tiranës kundër televizionit ku punonte për vite me radhë, duke akuzuar se e kanë hequr nga puna pa shkak. Burime nga gjykata thonë për “Dita-n” se në padinë e tij drejtuar gjykatës, Mevlani kërkon: “Detyrimin e palës së paditur të dëmshpërblejë paditësin për zgjidhjen e kontratës së punës në mënyrë të menjëhershme, pa shkaqe të justifikuara, pa respektuar procedurat dhe afatin e njoftimit. 2. Shpërblimi për vjetërsinë në punë”.
Por nga ana tjetër, kolegë të tij pranë këtij televizioni thonë se Mevlani prej disa kohësh ishte problematik në punë.
Sipas tyre, ai vinte gjithmonë në gjendje të dehur, aq sa shpesh drejtuesve u duhej ta zëvendësonin atë me dikë tjetër për të bërë spikerin e lajmeve.
Më herët Mevlani është shfaqur në të njëjtin rol në Radio Televizionin Shqiptar. Ai e ka nisur karrierën e tij si aktor e më pas si dublues.
Më vonë mori detyrën e folësit në Radio Tirana, për të kaluar më pas në televizion.
Ai është babai i Armina Mevlanit, prezantueses bukuroshe. Rastësia është se largimi i spikerit nga puna, ndodhi vetëm pak ditë pas publikimit të fotove të vajzës së tij me të dashurin e saj Shkëlzen Berisha. Një javë më parë revista “Who” publikoi në kopertinë disa foto ku prezantuesja Armina Mevlani dhe djali i ish-kryeministrit Sali Berisha, po shijonin një darkë romantike në çift.
Burimi | Dita
C’lidhje ka Armina me kete pune, historia e Armines dihet prej dy vjetesh ne TCH. Beni vinte me shume i dehur se esell ne pune, sa e sa here lajmet kane nisur me vonese sa te gjehej nje zgjidhje. S’e kuptoj si e kane mbajtur deri tani…