Princi Charles dhe princeshë Diana patën një divorc të komplikuar që i trazoi ujërat në familjen mbretërore. Detaje nga martesa e tyre e shumëpërfolur dolën në dritë me kalimin e viteve, si dhe gjatë hetimit pas vdekjes së princeshë Dianës. Sigurisht që divorci nuk ishte diçka e lehtë për familjen mbretërore dhe mbi të gjitha nuk ishin të lehta për t’u përtypur, ndaj në shenjë “hakmarrjeje” princi Philip i ka dërguar Dianës disa letra, që e bënë Diana-n të skuqej nga inati dhe turpi.
Mikja e ngushtë e princeshës, Simone Simmons ka rrëfyer se ka folur për orë të tëra me Princeshë Diana-n dhe rikujtoi një bisedë ku princesha ishte e tërbuar nga nervat.
“Diana ma lexoi një prej tyre, sepse ishte shumë e nxehur dhe imitonte zërin e Dukës së Edinburgh-ut”, është shprehur ajo, e cila ka shtuar se njëra prej letrave ishte e shkruar me shkrim dore, ndërsa njëra e shtypur me kompjuter.
Kur u pyet nëse nëse letra kishte fjalë poshtëruese për princeshën, mikesha e saj u përgjigj pozitivisht. Ajo pranoi se letrat ishin “ektremisht poshtëruese” dhe se njëra prej tyre e bëri Diana-n të skuqej.
