Asnjë ndryshim për Jonida Vokshin dhe Viola Spiron. Ja cilët janë projektet televiziv në sezonin e ri!

Bashkohuni me grupin tonë zyrtar në Facebook duke klikuar këtu!

Vetëm pak ditë na ndajnë nga ardhja e muajit shtator dhe kjo nënkupton edhe nisjen e sezonit të ri televiziv. Programe të reja dhe ndryshime te të vjetrat, këto janë zakonisht pritshmëritë në ekranet tona televizive.

Teksa kemi mësuar lëvizjet e disa prej moderatoreve si Marina Vjollca, Ajola Shehu, Floriana Garo, Bora Zemani, u përfol se ndryshimet e sezonit të ri do të preknin edhe dy moderatoret bukuroshe, Jonida Vokshi dhe Viola Spiro.

Fillimisht, Jonida u përfol se nuk do të ishte më pjesë e “Digitalb” me programin e të hënës në mbrëmje, “Thurje”, por duket se zërat ishin gabim. Moderatorja jo vetëm që do të jetë pjesë e “Digitalb”, por do të sjellë edhe risi me programin e saj, “Thurje”.

E kontaktuar nga Blitz.al, Vokshi shprehet: “Jo, nuk jam larguar nga “Digitalb”, por përkundrazi kam kohë që po merrem me përgatitjet e sezonit të ri. Kemi në plan të bëjmë disa ndryshime në përmbajtje, duke e bërë pjesën e personazheve më të koncentruar, por më shumë dua t’i lë surprizë në emisionin e parë. Do të jemi në të njëjtën fashë orari, pra çdo të hënë, në orën 21.00. Ndërkohë paralelisht po punoj për një film me metrazh të gjatë për në shtator”.

Nga ana tjetër, për Viola Spiron u përfol se nuk do të ishte më pjesë e “Ora News”, por moderatorja e re ka zgjedhur të sqarojë gjithçka për Blitz.al.

“Unë nuk jam larguar nga “Ora News” në këtë sezon të ri televiziv”, – tregon Viola. “Thjesht kam mbyllur sezonin në korrik të “Ora Skaner”, program i cili nuk ka qenë që në fillim i imi. “Ora Skaner”-in e mora në mes për arsye të televizionit. Ndërsa tani në shtator kam diçka tjetër, po në të njëjtin televizion”.

Nuk na mbetet tjetër veçse t’u urojmë vajzave punë të mbarë e të shohim çfarë kanë përgatitur për ne këtë sezon të ri televiziv! /Blitz.al/