Edhe pse ekrani i “Top Channel” çdo vit ka sfiduar veten për të nxjerrë një program ndryshe, këtë vit fytyrat e së dielës do të jenë përsëri të reja. Në “E Diell” priten rikthime dhe rigjetje, të cilat i kanë munguar publikut dhe ekranit për disa kohë. Stafi i programit “ E Diell” në “Top Channel” po përgatitet për sezonin e ri televiziv, që pritet të nisë së shpejti në orarin 01:30-17:30. Kësaj here do të ketë risi jo vetëm me moderatorët, por duke nisur që nga autorja e formatit, që do të jetë jo e huaj kësaj here. Belioza Çoku, e cila ka marrë përsipër këtë format për këtë sezon, e pyetur nga gazeta “Panorama” për rubrikat dhe mënyrën se si është konceptuar e “E Diell”, përgjigjet: “Në një skenografi të re shumë ftuese për teleshikuesit, presim këtë sezon ‘Të Diellën’ e re në ‘Top Channel’. Do të jenë të diela me ‘debate’, mbi atë që jemi dhe bëjmë si shoqëri. Në shumë raste, mund të zbulojmë modele shumë të mira edhe përgjegjësisë tonë për mjedisin ku jetojmë, ashtu si dhe mund të nxisim mendimin ndryshe duke filluar nga Tirana.“E Diella” rezervon një hapësirë brenda dhe përtej Tiranës këtë herë”, shprehet autorja. Edhe këtë vit pjesë e kësaj dite nëekran do të jenë fëmijët e moshës 4-7 vjeç, të cilët do të kenë rubrikën e tyre, ku do të shprehin kreativitetin për të ndjekur shembujt e heronjve të tyre. Sipas Beliozës, “pika më kulminante e programitdo të jetë ajo e rrëfimit të historive kurajoze që nuk janë dëgjuar asnjëherë, rubrikë në të cilën do të jenë protagonistë jo vetëm njerëz të thjeshtë, por edhe të njohur. Pas kësaj do të trajtohet thembra e Akilit – punësimi, rubrikë në të cilën do të shikojmë ‘live’ se si më i miri ose më e mira do jetë kandidatura fituese. ‘E diell’ do të mbyllet me një lojë humori, ku pa taka dhe pa kollare do të ndeshen rivalët më të vjetër. Sfidat e tyre do të garantojnëhumor dhe të qeshura, sa për t’ju hapur oreksin për ‘Portokallinë’ në mbrëmje”, përfundon Belioza.
Burimi | Panorama
