Çmimet nobel, emrat më të përmëndur Donald Trump dhe Greta Thunberg

Bashkohuni me grupin tonë zyrtar në Facebook duke klikuar këtu!

Një tjetër rekord nominimesh për Çmimin Nobel për Paqe është regjistruar për vitin 2021. Komiteti Norvegjez i Nobelit tha se ky është numri i tretë më i lartë i kandidatëve i regjistruar ndonjëherë, plot 329 nominime. Sipas organizatës me seli në Oslo, rekordi prej 376 kandidatësh është arritur në vitin 2016.

“Kjo pasqyron një interes të madh ndërkombëtar për Çmimin Nobel për Paqe”, tha Olav Njoelstad, sekretari i Komitetit të Nobelit.

Nominimet e këtij viti përfshijnë 234 individë dhe 95 organizata. Komiteti nuk zbulon se kush është nominuar, por ata që nominojnë, mund t’i zbulojnë zgjedhjet e tyre. Mes të nominuarëve këtë vit përfshihen ish-presidenti i Shteteve të Bashkuara, Donald Trump, lideri rus I opozitës, Aleksei Navalny, liderja në mërgim e opozitës bjelloruse, Svyatlana Tsikhanouskaya, aktivistja suedeze eklimës, Greta Thunberg, dhe aktivistja e të drejtave në SHBA, Stacey Abrams.

Ndërkohë, organizatat e nominuara janë OBSH-ja, Rrjeti Ndërkombëtar i Kontrollit të Fakteve dhe vëzhguesit e mediave: Reporterët pa Kufij dhe Komiteti për Mbrojtjen e Gazetarëve. Fituesi i “Nobelit për paqen” pritet të shpallet në muajin tetor.

BurimiOra News
Artikulli paraprakVuan dënimin në burg, policia i shkon në banesë 43-vjeçarit! I gjen të groposura arsenal armësh dhe municione në Kurbin
Artikulli tjetërItinerari i Ramës dhe i vaksinave/ Si u “zhduk” Komiteti Teknik i Ekspertëve për mbledhjen e të hënës, ‘memecët’ që presin OK nga Kryeministri