Bebe Rexha ka shënuar një tjetër sukses duke u bërë pjesë e serialit të animuar “We the people” në Netflix . Seriali ka 10 episode dhe ndërthur muzikën me animacionet me qëllim edukimin e brezit të ri për fuqinë e njerëzve. Chris Nee, krijuesi i “Doc McStuffins”, është bërë bashkë me ish-presidentin Barack Obama dhe “Higher Ground Productions” të Michelle Obamas dhe suksesi duket i garantuar. Seriali përmban këngë origjinale të interpretuara nga artistë si, HER, Janelle Monae, Brandi Carlile, Lin-Manuel Miranda, Adam Lambert, Cordae, KYLE, Andra Day dhe poeten Amanda Gorman.
Bebe Rexha ka ndarë lajmin e bukur me fansat e saj në rrjetet sociale, duke shkruar:
“Shumë e emocionuar që jam pjesë e kësaj. “American citizen” vjen më 4 korrik. Faleminderit @netflix, @barackobama, @micheleobama.” “We the People”, i cili do të publikohet më 4 korrik në Netflix, drejtohet nga Peter Ramsey, Trisha Gum, Victoria Vincent, Benjy Brooke, Mabel Ye, Tim Rauch, Jorge R. Gutierrez, Daron Nefcy, Everett Downing dhe Kendra Ryan. Seriali do të bëjë debutimin e tij botëror në AFI DOCS më 24 qershor.
