Bëhuni gati për “çmendurinë” e rradhës… po vjen MAD!

Duhet të kishte filluar transmetimin në muajin mars, por vonesa e MAD Albania do t’ia vlejë!

Kanali muzikor Mad Albania, filial i grupit grek MAD, pas Qipros dhe Bullgarisë, tashmë është zyrtare do të nisë trasmetimet në ditët e para të muajit qershor edhe në Shqiperi. Lajmin na e ka konfirmuar vetë stafi i MAD Albania, pasi IMA e kontaktoi për më shumë detaje rreth kësaj vonese që ka zhgënjyer sadopak atë pjesë të teleshikuesve që mezi po e presin “çmendurinë” e rradhës që vetëm MAD di të dhurojë! Arsyeja e kësaj vonese ka qënë pikërisht marrja e vendimit nga bordi drejtues për të filluar transmetimin me një program të rregullt që ditën e parë të debutimit.

Mad Albania do të ndryshojë konceptin e të bërit të një televizioni muzikor në Shqipëri. Harrojini kanalet muzikore shqiptare që keni ndjekur deri më sot pasi Mad nuk do të jetë thjesht playlist-a e rradhës në ekran, por do të ofrojë një programacion ku nuk do të mungojë muzika si dhe më e rëndësishmja programet qe do t’i kushtohen botës së muzikës dhe protagonistëve të saj. Pjesë e programacionit fillimisht do të jenë 12 emisione, emrat e të cilëve do të zbulohen ditët në vazhdim.

mad-ne-prova

Pulti i transmetimit MAD Albania

 

Kanali MAD Albania do të fillojë transmetimet në analog në frekuencën 37 UHF (ku transmeton aktualisht SuperSonic TV), Digitalb Tokësor dhe Digitalb Satelitor. Ndërsa brenda pak ditëve do të fillojë ne Tiranë fushata promovuese për nisjen e transmetimit.

REKLAMA
loading...

KOMENTO

This site uses Akismet to reduce spam. Learn how your comment data is processed.