Tashmë atë e njohim të gjithë, fillimisht nga Agon Channel ku u bë mjaft e njohur për çiltërsinë dhe lirshmërinë që kishte teksa ishte përpara kamerave, por gjithashtu edhe për fushatat e ndryshme në mbrojtje të kafshëve.
Roza Lati e cila ashtu si ju kemi informuar edhe më parë, do të jetë prezente në ekran edhe këtë sezon televiziv me një emision tërësisht të ri përgatitjet e të cilit sapo kishin nisur në shtator.
E ftuar tek “Rudina”, Roza edhe pse u pyet nga moderatorja vendosi që mos të tregonte asgjë nga formati që do të drejtojë, por tashmë ajo tani ka nxjerrë një detaj të ri nga projekti televiziv. Në një postim në instagram, moderatorja ka njoftuar se shumë shpejt do të fillojë programin e vetë me titull “Why Not Show”, emrin i të cilit ka ardhur nga publiku nëpërmjet sugjerimeve të ndryshme në profilin e saj.
A do të lëri gjurmë këtë sezon televiziv Roza? Po detajet e tjera kur do i mësojmë? Na pritet edhe pak dhe ju do i mësoni si gjithmonë në IMA!
