Ai është një nga aktorët më të famshëm shqiptarë, i cili ka marrë pjesë në disa prej filmave të njohur edhe ndërkombëtarish, por tashmë do ta shohim sërish, po këtë herë jo në një film por në një serial të njohur.
E kemi fjalën për aktorin shqiptar Blerim Destani, i cili gjatë këtij viti do të shfaq katër filma të tij në të cilët ka rol kryesor, ndërkohë që tashmë është bërë edhe pjesë e serialit të njohhur gjerman “4 Block”.
Xhirimet e serialit kanë nisur tashmë që prej 29 janarit dhe do të zgjasin deri në 15 prill.
Regjia e këtij seriali mban firmën e Oliver Hirschbiegel, ku pritet që aktori shqipëtar të shkëlqejë në rolin që do të ketë. Ndërkohë mësohet se serinë e parë ku do të shfaqet Destani do të kemi mundësi ta shohim në muajin Shtator.
