Kanë kaluar 3 vite që kur Capital T solli një prej koncerteve më të mëdhenj që është mbajtur ndonjëherë në Shqipëri. Reperi i njohur organizoi në Tiranë “Time Capsule”, një event ku “kryefjala” ishte pikërisht karriera e reperit dhe hitet e tij ndër vite, një “show” i vërtetë me muzikë e performancë dhe që artisti kishte premtuar se do ta risillte sërish. Madje ishte një shfaqje që “frymëzoi” edhe disa artistë ndërkombëtarë.
E mesa duket momenti ka ardhur për ta risjellë koncertin dhe Capital-i sapo na ka bërë me dije planet për verën e 2023-it. Me anë të një postimi në Instagram, reperi i njohur zbulon se tashmë është zyrtare dhe “Time Capsule” do të vijë tashmë në Prishtinë.
https://www.instagram.com/p/CjLFYvesm2Q/?utm_source=ig_web_copy_link
Edhe pse detajet sipas postimit të Capital-it do të vijnë në vijim, me shumë gjasë bëhet për një shfaqje po aq të realizuar sa e para dhe sigurisht me më shumë risi, ndoshta të ftuar specialë, por mvi të gjitha, sërish me show dhe muzikë të mirë.
Pra, bëhuni gati për Prishtinë në verën e 2023!
