Coming soon në Vizion Plus…, ndryshimi që do të shoqërojë teleshikuesit në sezonin e ri!

Sezoni i ri televiziv sapo ka nisur dhe kryefjala në këtë merkato televizive ka qenë padyshim blerjet e reja nga aktorët meditaik. Shumë personazhe të njohur televiziv kanë ndryshuar tashmë logon ku shfaqjen këtë fillim sezoni. E ndërkaq ndryshimet duket se do të prekin edhe brand-in e kanalit të tretë më të rëndësishëm privat në vend.

Duke filluar nga nesër Vizion Plus do të prezantojë logon e re. Ndryshimi i logos është një restyle i logos on-air të këtij televizioni.

Ky është ndryshimi më i madh që logo on air e Vizion Plus pëson në këto 20 vjet duke reflektuar dëshirën dhe ambicien e kësaj media për tu përshtatur me zhvillimet e fundit e transformimet që teknologjia ka sjellë.

Ndërsa trekendeshi mbetet si simbol i epokes digjitale, “+”-si emblematik i pjerrët me anë të rrumbullakosura zevendësohet nga fjala “plus”, shkruar me një font modern minimalist pa cepa (sans seriff) per ti dhënë logos me shumë lexueshmeri kur shikohet nëpërmjet aplikacioneve në web.

Logo do të intepretohet herë pas here mbi ekran duke u berë treguesja e programeve në transmetim dhe atyre që do vijnë duke shërbyer si një lloj “navigatori” i teleshikuesve të këtij kanali.

Logo është faza e parë e një ndryshimi rrënjësor që do të shoqërojë të gjithë programet duke nisur me paraqitjen e re të lajmeve kombëtare me një studio moderne paisur me ndriçim led, monitor e tavoline te re, e duke u pasuar me skenografitë e të gjithë programeve përfshirë studio e programit “7 pa 5” atë të pasdites dhe një studio të re për Real Story.

REKLAMA
loading...

KOMENTO

This site uses Akismet to reduce spam. Learn how your comment data is processed.