Elhaida Dani është përfaqësuesja e Shqipërisë këtë vit në festivalin Europian të këngës. Mes polemikave dhe shumë diskutimeve për këngën e këtij viti nga kritik të ndryshëm të muzikës ende nuk kemi ndonjë reze dielli pozitive për realizimin e këngës. Elhaida ka deklaruar në intervista të ndryshme që kënga po punohet por ende asgjë konkrete. Kënga “Diell” pritet të vijë në versionin anglisht dhe do ketë ndryshime në pjesën muzikore. Përveç ndryshimeve të këngës pritet që kënga të shoqërohet edhe me një videoklip, projekt i cili ka mbetur ende në letër. Vetëm një ditë më parë në një media online, Elhaida tregonte se kënga shumë shpejt do të regjistrohej në versionin final në një studio në Los Angeles e ndërsa për videoklipin u fol shumë pak për të mos thënë aspak.
Duket se asgjë nuk është gati për përfaqësimin e Shqipërisë këtë vit në festivailin Europian, një këngë ende e papërfunduar që vazhdojmë ta dëgjomë ne radiot vendase në versionin e regjistruar live në Fest 53, një fushatë promovimi e pafilluar ndonjëherë dhe një Elhada Dani që vazhdon të qëndoj në heshtje edhe pse është tepër vonë. Ndërkohë shtetet e tjera që do të marrin pjesë në këtë kompeticion janë mëse të përgatitur, kanë realizuar çdo detaj të këngës e kanë shoqëruar atë edhe me videoklip dhe publiku është duke shijuar këngën në versionin përfundimtar. Jo pak ditë më parë Eurovision publikoi renditjen zyrtare të me emrat e këngëtarëve dhe shteteve që do të interpretojnë gjatë netëve të festivalit. Elhaida është e 14-ta në radhë dhe do të interpretoj në natën e parë. Një natë e cila premton emocione dhe garë të fortë midis shteteve pjesemarres, një konkurencë që ndihet pa filluar midis fqinjëve. Shtete si Serbi apo Greqia janë në debate të vazhdueshme. Eurovizion është i gjithi gati vetëm po pret datën e fillimit 19 maj 2015.
Kënga “Diell” përfaqësuese e Shqipërisë është nisur me hapa të ngadaltë për të depërtuar nën retë e egra të Eurovizionit. Asnjë informacion nuk jepet nga drejtuesit që shoqërojnë këngën përfaqësuese në Eurovizion se si do jetë performaca, se kush do kujdeset për look-un e këngëtares apo për detajet të sikur ka ndodhur vitet e tjera. Në intervistën e fundit që ka dhënë edhe vetë Elhaida, dukej pak skeptike për këtë prezantim dhe e pa qartë se çfarë po ndodh konkretisht me pjesëmarrjen dhe përgartitjet e Shqipërisë në këtë kompeticion. Shpresojmë që “Dielli” të shkëlqej sa shumë në skenën e madhe të Eurovizion edhe pse fillimi nuk duket dhe aq i mbarë.
G. Qerimi