Telekomi i Kosovës Sh.A. njofton një bashkëpunim të ri dhe të rëndësishëm me DigitAlb Sh.A. Duke finalizuar negociatat, të dyja kompanitë kanë nënshkruar një kontratë dyvjeçare, e cila i mundëson Telekomit të Kosovës të drejtën e transmetimit të kanaleve të DigitAlb në Kosovë.
Përmes kësaj bashkëpunimi, abonuesit e Telekomit të Kosovës tani do të kenë qasje në një gamë të gjerë të kanaleve dhe përmbajtjes më të kërkuar televizive në hapësirat shqipfolëse. Përmbajtja përfshin kanale të njohura si Top Channel, Klan Shqipëria, Klan Maqedonia, dhe kanale sportive që transmetojnë ligat më të rëndësishme evropiane si “Premier League”, “Bundesliga”, “Serie A”, “Eredivisie”, si dhe ndeshjet e përfaqësueses së Kosovës dhe evente të tjera sportive.
Sistemi i ri OTT (TV Vala box) ofron teknologji të avancuar, duke përmirësuar përvojën e shikimit televiziv përmes funksioneve si Catch-up TV, që mundëson rishikimin e 25 kanaleve më të ndjekura deri në 7 ditë mbrapa, si dhe videoteke (VOD) me një gamë të gjerë filmash të ndarë sipas zhanreve.
Për më tepër, TV Vala ofron fleksibilitet të lartë në përdorim, duke lejuar që aplikacioni të përdoret në disa pajisje dhe të ndajë përmbajtjen në të njëjtën kohë në disa pajisje. Telekomi i Kosovës gjithashtu ofron qasje në TV Vala pa pajisje fizike, vetëm përmes instalimit të aplikacionit në pajisje të ndryshme.
Shitjet dhe instalimet e reja të platformës me përmbajtje të re do të fillojnë nga data 25.01.2024.
