Digjitalizimi, këto janë ofertat e operatorëve televiziv!

Ndërprerja e transmetimeve televizive në sistemin analog dhe kalimi i tyre në digjital është një proçes i detyrueshëm për të gjitha vendet evropiane, gjithashtu edhe për Shqipërinë.

Më datë 1 shtator mbyllen transmetimet televizive analoge për qarkun e Tiranës, Durrësit dhe atë të Vlorës.

Në zbatim të strategjisë për kalimin e transmetimeve nga analoge në ato digjitale, si dhe afatit të përcaktuar nga Autoriteti i Mediave Audiovizive, operatorët kryesor televiziv janë bërë gati për të mirëpritur abonentët e rinj që do të përqafojnë televizionin digjital me ofertat e abonimit ku përfshihet edhe aparati digjital tokësor i domosdoshëm për të djekur kanalet televizive.

Teleshikuesit në qarkun Tiranë, Durrës dhe Vlorë do të kenë mundësinë të shohin programet e RTSH, Digitalb dhe Tring vetëm në formatin DVB-T2. Për të parë në këtë format teleshikuesit e këtyre qarqeve, ku përfshihen qytetet Tiranë, Durrës, Kavajë, Vorë, Kamëz, Krujë, Fushë Krujë, Shijak, Rrogozhinë, Vlorë, Himarë, Sarandë së bashku me fshatrat, duhet të ketë në dispozicion pajisjet si më poshtë:

– Antenë marrëse televizive të thjeshtë (siç e kanë pasur deri më sot).
– Aparat marrës televiziv (televizor).
– Dekoder DVB – T2 të llojit “free”, pra që mundëson shikimin e kanaleve pa pagesë siç edhe janë të gjitha programet e ofruara nga rrjeti i RTSH-së. Ky dekoder gjendet në çdo pikë të Postës Shqiptare. Të gjithë teleshikuesit që kanë aparate televizive që e kanë të inkorporuar dekoderin DVB-T2, nuk e kanë të nevojshëm dekoderin e mesipërm.

Kanalet e transmetimit të RTSH-së në Tiranë-Durrës janë: 21 (474 MHz) dhe 34 (578 MHz) të bandës UHF.
Kanalet e transmetimit të RTSH-së në Vlorë janë: 23 (490 MHz) dhe 39 (618 MHz) të bandës UHF.

Të gjithë teleshikuesit për të marrë një sinjal me cilësi maksimale në këtë allotment duhet të drejtojne antenat sipas zonave:

– Në qytetin e Tiranës, në drejtimet Mali i Dajtit, Prezë (Maja e Rrabës) ose Lapidari në kodrat e Saukut, kjo në varësi të fushëpamjes;
– Në qytetin e Durrësit dhe rrethinat e tij deri në gjirin e Lalzit, në plazhin e Durrësit si dhe në zonën e Shijakut në drejtim të Kodrës së Arapajt.
– Në zonën e Kavajës, plazhit Golem dhe Rrogozhinës në drejtim të Kryevidhit.
– Në zonën e Vorës, Kamëz dhe Babrru në drejtim të Majës së Rrabës (Prezë) ose Mali i Dajtit në varësi të fushëpamjes.
– Në zonën e Fushë Krujës, Krujës, Fushë Kuqe dhe Laçit në drejtim të Kodër Ishmit, Malit Dajt ose Lapidarit në varësi të fushëpamjes.
– Në zonën Ndroq, Pezë në drejtim të Malit Dajt, Lapidarit ose Sheshit në varësi të fushëpamjes.
– Në zonën mbas malit te Dajtit njësia administrative Zall Bastar në drejtim të majës së malit Dajt.
– Në qytetin e Vlorës në drejtim të Zvërnecit ose në drejtim të Shashicës (Kaninë).
– Në zonën e Radhimës në drejtim të majës së malit Llogarasë ose Zvernecit.
– Në zonën Orikum në drejtim të majës së malit të Llogarasë, Zvërnec ose Shashicë.
– Në zonën Peshkëpi, Komuna Vllahinës, Sevaster, Selenicë, Lapardha, Kocul, Poçem në drejtim të Treblovës dhe majës së Shashicës
– Në zonën mbas malit të Thanase, Dukat, Dhermi, Himare, Vuno, Palase në drejtim të majes së malit Llogarase.
– Në zonën e Borshit, Qeparo, Lukovë në drejtim të Shën Vasilit.
– Në qytetin e Sarandës në drejtim të Milesë ose Ksamilit.
– Në zonën e Delvines në drejtim të Shen Vasilit ose Sopotit.
– Në zonën e Ksamilit në drejtim të Ksamilit.

Pasi antena të jetë orientuar në drejtimet përkatëse, atëhere pasi është ndezur televizori dhe dekoderi, teleshikuesit duhet të bëjnë kërkimin automatik ose manual sipas dëshirës.

Në përfundim të kërkimit automatik në ekran do të shfaqen 12 kanalet e RTSH-s përkatësisht:
– RTSH 1 HD
– RTSH 2 HD
– RTSH 3
– RTSH Sport HD
– RTSH Film
– RTSH Muzikë
– RTSH Fëmijë
– RTSH Shqip
– RTSH 24 HD
– RTSH PLUS
– RTSH Kuvend
– RTK

si dhe 12 kanale të operatorëve lokalë që mbështeten në rrjetin DVB-T2 të RTSH-së për allotmentin e Tiranës si:
– News 24 TV
– Report TV
– Club Tv
– A2
– Tv BBF
– Tirana Tv
– Tv Shijak
– Neser Tv
– FAX NEWS
– TV Adriamed
– TV Kukësi
– TV UTV Education
– TV Scan
– IN TV
– TV Korca
– RTV Gjirokastra

Kesaj liste i shtohen edhe kanalet e dy platformave private Digitalb dhe Tring.

Ja cilat janë ofertat e operatorëve kryesor në Shqipëri për procesin e digjializimit!

Për të realizuar sa më shpejt dhe sa më mire këtë proçes të kalimit nga transmetimet analoge në ato digjitale, RTSH ka vendosur në dispozicion të publikut në shërbim Help-desk me operator 24 orë. Për çdo problem që do të kenë shikuesit për sinjalin e RTSH-së mund të telefonojnë në numrin 04 222 84 44.

Për të mundësuar shikimin e kanaleve në transmetimet digjitale Radio Televizioni Shqiptar, ka nxjerre ne treg një DEKODER DVB-T2, në shitje në çdo pikë të Postës Shqiptare.

Për të joshur klientët e rinj edhe operatorët privat Digitalb dhe Tring kanë hedhur në treg ofertat e tyre që paraprijnë fikjen e sinjalit anlalog për kalimin në erën e re all digital.

Ofertat e dy operatorëve janë të ngjashme dhe qershia mbi tortë mbetet dekoderi falas nëse kryhet një abonim 3 mujor.

REKLAMA
loading...

KOMENTO

This site uses Akismet to reduce spam. Learn how your comment data is processed.