Digjitalizimi, shtyhet mbyllja e sinjaleve analoge në Korçë. Ja data e re e përcaktuar nga AMA!

Bashkohuni me grupin tonë zyrtar në Facebook duke klikuar këtu!

Autoriteti i Mediave Audiovizive, AMA, njofton banorët e qarkut Korçë për shtyrjen e afatit të mbylljes së trasnmetimeve televizive analoge edhe me dy javë.

Shtyrja deri më datë 1 Dhjetor 2017 bëhet për t’u dhënë më shumë mundësi të gjithë operatorëve analoge vendore në qarkun e Korçës për t’u mbështetur në një nga rrjetet numerike kombëtare, të licencuara nga AMA.

Autoriteti tërheq vëmendjen e të gjithë subjekteve televizivë analogë vendorë që ushtrojnë veprimtari territorin e këtij qarku, që të marrin sa më parë masa për të mbështetur programin e tyre në rrjetin numerik të RTSH-së, ose në njërin prej rrjeteve numerike private kombëtare.

Pavarësisht shtyrjes së afatit, që në daten 15 Nëntor 2017 banorët e qarkut të Korçës do të kenë akses të shohin nëpërmjet transmetimeve të reja digjitale rreth 20 programe pa pagesë, kombëtare ose lokale, të RTSH-së apo dhe të 5 platformave të tjera private.

Nga ana tjetër, AMA kërkon nga publiku, i cili aktualisht përfiton transmetimet televizive nëpërmjet teknologjisë analoge, të pajiset sa më parë me marrës digjital (dekoderë universalë të tipit DVB-T2), pasi në të kundërt, mbas datës 1 Dhjetor 2017, nuk do të mund të shohë asnjë transmetim televiziv në këtë qark.

Artikulli paraprakNga Betim Spërdhima te “Zona e Brrylit”, Rezart Veleshnja në “Wake Up”
Artikulli tjetërJa kush janë televizionet me të ardhurat më të larta në Shqipëri