Televizionet në Shqipëri vitet e fundit po njohin një zhvillim mjaft të madh teknologjik. Rritja gjithmonë e më shumë e përdorimit të internetit ka bërë që shumica e televizioneve të përdorin për monetizim edhe websitet e tyre duke i transformuar ato në portale informative.
Por kush janë televizionet më të fuqishme në Shqipëri përsa i përket të ardhurave? Duke iu referuar të dhënave statistikore të QKR, më poshtë renditen TOP 10 televizionet me të ardhurat vjetore më të larta për periudhën Janar-Qershor 2016.
- Top Channel
Televizioni kombëtar Top Channel numëron një shumë prej 1,650,530,775 Lekë të ardhura në vit. TCH njihet si një televizion mjaft i fuqishëm kjo edhe për shkak të grupit mediatik ku ai bën pjesë “Top Media”, e cila përfshin platformën digjitale Digitalb, TAR, Top News, etj. Gjithashtu kanali i njohur ka tarifa të larta përsa i përket edhe reklamave televizive por gjithashtu edhe në web.
- TV Klan
Televizioni Klan numëron një shumë pak më të vogël se rivali i tij TV Klan me 1,000,166,945 Lekë. TV Klan sëfundmi ka filluar të dominojë audiencën televizive në Shqipëri, duke arritur në shifra rekord sipas matësve të audiencës. Puna e mirë me përzgjedhjen e programeve që transmeton është një tjetër avantazh për rritjen e të ardhurave në median e Aleksandër Frangajt.
- Vizion Plus
Vizion Plus, tashmë një televizion me licensë kombëtare ka të ardhura shumë më të ulëta se ekranet e tjera kombëtare TCH dhe Klan një shumë prej 472,150,194 lekësh.
Ndërkohë në vendin e katërt, të pestë dhe të gjashtë renditen 3 televizionet kryesore informative në Shqipëri si më poshtë:
Në vendin e katërt, News 24 ka një shumë të ardhurash vjetore prej 271,697,902 lekësh ndërkohë Ora News renditet në vendin e pestë me 227,558,514 lekë. ABC News ka një total të ardhurash vjetore prej 123, 200, 389 lekësh. Kanali gjeneralist InTV renditet i shtati me 120,277,541 lekë.
Televizioni ekonomik Scan i rankuar i teti, numëron 97,648,850 lekësh. Ish-televizioni A1 Report nën drejtimin e Karlo Bolinos dhe Koço Kokëdhimës, tashmë i mbyllur ka një shumë të ardhurash prej 78,038 lekësh duke u renditur si një ndër televizionet më të ardhurat më të pakta me target “news channel”.
UTV Education gjithashtu edhe pse me një program të varfër numëron rreth 28,149,318 lekësh./IMAlbania.com/
