Dj Sardi ishte i ftuar ditën e sotme në “Pardon my french” me Jonida Aliçkollin dhe Kejvin Kalo ku ka zbuluar shumë detaje rreth jetës personale dhe asaj profesionale. Kështu, duke u ndalur te karriera dhe planet në muzikë, Sardi zbuloi për herë të parë se do të marrë pjesë këtë vit në “Festivalin e Këngës”. Më tej, ai shtoi se për këtë ka një arsye shumë të veçantë dhe lidhet me babain e tij, i cili është muzikanti i mirënjohur Flamur Shehu. Sardi tregoi:
“Jam në punë e sipër për Festivalin e Televizionit Shqiptar. Këtë vit është 60- vjetori dhe kam një lidhje shpirtërore me Festivalin. Babai im ka 45 pjesëmarrje atje dhe këtë vit me rastin e përvjetorit dua të jem unë, të prezantohen dy breza. Nuk kam qëllim të drejtpërdrejt fitoren për të konkurruar në Eurovision.”
Duke u ndalur te muzika dhe këngët ditët e sotme, Sardi u shpreh se muzika nuk është më si ajo e dikurshmja dhe se komercialiteti është shtuar shumë. Si producentët më të mirë të brezit të ri ai përmendi Kledi Bahitin dhe Elgit Dodën.
“Në vitet 2003-2004, muzika ka qenë më reale. Tani muzika është e huazuar, e blerë nga jashtë, pra është ulur shumë niveli. Tani nuk ka më shpirt muzika. Si producent të mirë të brezit të ri mund të përmend Kledi Bahitin dhe Elgit Dodën.”
