Seriali “Winx” i realizuar me njerëz, sapo është publikuar në Netflix, duke bërë të lumtur shumë adoleshentë dhe të rinj që janë nostalgjikë, për sagën e famshme vizatimore. Ky serial ka rezultuar shumë i suksesshëm, duke u ngjitur në listën e 10 produksioneve më të shikuara. Netflix tashmë ka konfirmuar edhe xhirimet e sezonit të dytë.
Pjesë e “Winx” do të jetë edhe këngëtarja e famshme, me origjinë shqiptare Dua Lipa. Kënga e saj “Physical” do të jetë një prej kolonave zanore të filmit.
Kënga e Duas është pjesë e albumit më të suksesshëm të saj derimëtani “Future Nostalgia”. Albumi i saj ka arritur 3 miliardë klikime në Spotify, duke e shndërruar kështu këngëtaren në një prej artistëve më të dëgjuar në këtë platformë. Dua Lipa është nominuar edhe për 6 çmime “Grammy”, për shkak të kritikave shumë të mira dhe suksesit të jashtëzakonshëm që pati me “Future Nostalgia”.
Pritshmëritë për fitoren e këngëtares janë shumë të mëdha dhe ajo mund të çojë në shtëpi disa statuja të reja të arta, të çmimit më të rëndësishëm në muzikë.
