Tashmë pandemia botërore është përhapur në mbarë botën duke mos kursyer asnjë. Ndërkohë që Kina deklaroi zyrtarisht “çlirimin” nga COVID-19 i njohur ndryshe si koronavirusi, Italia dhe shumë vende të tjera po përballen me shtim të rasteve.
Dy aktorët e njohur të Hollivudit, Tom Hanks dhe Rita Wilson, bashkëshortë kanë rezultuar pozitivë me koronavirus. Lajmi për testimin pozitiv ndaj sëmundjes është marë gjatë kohës që ata janë duke xhiruar një film për Elvis Presly në Australi.
Përfaqësuesit e aktorit Hanks, kanë thënë se dyshimi me koronavirus ka ardhur në momentin që aktorët kanë patur kollë dhe këputje në trup. Rita Wilson ka patur gjithashtu dhe temperaturë të lehtë.
Ndërkohë që çifti i aktorëve do të ndjekin protokollin për sëmundjen, duke u vetëkarantinuar./IMA/
