Moderatorja shumë e dashur e publikut shqiptar, Fjoralba Ponari, zbuloi para pak ditësh se ishte infektuar sërish me Covid-19, rreth 7 muaj pas u infektua për herë të parë. Në bashkëbisedimin virtual me ndjekësit e saj në Instastory, ajo zbuloi se simptomat këtë rradhë ishin më të rënda sesa në infektimin e parë, pasi përveç kollës dhe temperaturës, kishte dhe dhimbje të mëdha kockash.
Teksa emisioni i saj vijoi normalisht sepse ishte regjistruar më parë, Fjoralba tregoi se i mungon shumë partneri i saj, Françesko.
Kështu, për t’ia bërë sa më të lehtë izolimin ai ka vendosur të surprizojë, së bashku me gjyshërit, fëmijët e pjesëtarët e stafit me të cilët Fjoralba punon. Dhe e gjithë surpriza do transmetohet në puntatën e kësaj të shtune.
Ishte vetë bukuroshja bjonde ajo e cila e zbuloi këtë gjë nëpërmjet promos së emisionit që e ka publikuar në rrjetet sociale. Françesko dhe gjithë personat e përfshirë në surprizë kanë vizituar Fjoralbën në shtëpinë e saj, sigurisht duke qëndruar jashtë, për të ruajtur distancën e nevojshme. Surpriza e ka gjetur të papërgatitur moderatoren, e cila është përlotur, teksa thotë se i mungojnë të gjithë.
“Shërohu se na ka marrë malli dhe nuk shtyhet kështu!”- dëgjohet tek thotë Françesko, i cili i ka dhuruar edhe një buqetë me trëndafila të bardhë. Duket se kjo puntatë ka rezervuar emocione të forta dhe për surprizën e plotë duhet të presim deri të shtunën.