Robert Aliaj Dragot është padyshim një ndër personazhet më të komentuar në mediat sociale. Një provokues dhe një kritik i mirë. Stili i tij i veshjes shpesh ka ngjallur polemika dhe paragjykime tek të tjerët, por fundja kujt i intereson. E themi me plot gojën se është një artist me botë të madhe.
Pas një “kryqëzimi” nga mediat sociale për termin prostitutë, të përdorur gjatë një debati në një program dashurie “Love Story”, ai shpjegoi të gjithë situatën dhe përse zgjodhi të përdortë atë term.
Dajana: Robert, ti lançon bomba herë pas here dhe kështu ti iu drejtove një vajze duke i thënë se sa herë që bëni ndërhyrje kirugjikale në moshë kaq të vogël unë nuk të marr dot seriozisht. Çfarë ke me vajzat e bëra?
Robert: Çdo gjë që thuhet nuk është rastësi dhe nuk është e thënë qëllimisht për të provokuar dhe gjërat nuk duhet të dalin nga konteksti i tyre. Ne jemi në një dating shoë me pretendime të mëdha me idenë e të krijuarit një lidhje të dy të rinjëve e më pas për të krijuar një familje dhe kështu ne duhet të qëndrojmë në lartësinë e pretendimeve që kemi.
Asnjëherë në jetën time unë nuk kam parë sesi një familje mund të fillojë nga një bazë kaq e keqe, sa me njerëz të papërgjegjshëm dhe të pavëmendshëm në atë që pretendojnë se kërkojnë dhe gjëja e parë që bëjnë “you don’t give a shit” personit përballë ku me dëshirë ke ardhur për t’u njohur. Fjala është shumë e rëndësishme dhe është baza në një fazë të tillë njohjeje dhe kjo është arsyeja përse unë reagova për këto paraqitjet dhe ndërhyrjet, sepse ato nuk janë asgjë tjetër përveç se për të rënë në sy. Ky është një fillim shumë i shëmtuar për të ndërtuar një gjë shumë serioze siç është familja.
D-Night një program nga Dajana Shabani nga e Hëna në të Enjte Live në Rtv Ora 23:00-00:00