Ashtu si çdo vit, Festivali i Këngës 60 është shoqëruar me polemika dhe kritika nga shumë personazhe të njohur. Kompozitorja Diana Ziu ka analizuar këtë edicion festivali duke thënë se, këtë herë të gjithë këngëtarët kanë ardhur si tekstshkrues, orekstrues, kompozitorë, edhe këngëtarë. Përmes një statusi, kompozitorja shkruan e tashmë është e ditur që pranimi i këngëve është kthyer në një biznes dhe çudia vazhdon.
Deklarata e plotë
Çudia e Festivalit sot! Këngëtarët kompozitorë? Këngëtarët krijues, kompozitor edhe, tekstshkrues? Nesër edhe tekstshkrues? Nesër dhe orekstrues! Pse jo! Një çudi, mbase jo! Për mendimin tim si D.Ziu bën habi! Në qoftë se flasim për këngëtarët krijues, bëni një festival më vete me krijimet dhe tekstet e tye, në të kundërtën nëse bëhet akoma me stilin që kompozimet i bëjnë të tjerë krijues dhe vendosin emrat e këngëtarëve është tjetër gjë.
Më pas del që festivali është i kompozitorëve është vetëm i pesë emrave të dëgjuar tashmë të njohur. Ata që mbase ja kanë marrë dorën këtyre punëve. Këngëtarët që u paraqitën me emra krijuesish domethënë të qënurit kompozitorë, për çudinë e tyre edhe pse nuk kanë haberin nga asgjë rreth krijimtarisë, kompozimit, gjithçka rreth këtij zanati bën habinë dhe po thellohet akoma. Për mosnjohjen e artit të të shkruarit kompozim bën këtë çorbë krijimesh pa identitet.
Këngëtarët krijues mbase nesër edhe orekstrues u kthyen në enigma të vetes, të identitteti të tyre pa qenë krijues. Por lind pyetja: Në çfarë forme janë pranuar këngët e tyre në konkurim transparent e bërë tashmë nga një juri përzgjedhëse?Apo juria ka rënë në dakort me këngëtarët të anonçohen kompozitorë? Kjo më çudit vërtetë. Si mundet të garoje me mua në festival një elifimatrka në muzikë? Enigma e tyre është prapa kuintave. Aty qëndron çudia, habia, enigma.
Pranimi i këngëve duket që është bërë biznes. Kështu thonë gojët e liga dhe sipas mendimit tim nuk më shqetëson biznesi, dihen tashmë gjërat, por niveli në strukturën e festivalit pa kulturën e duhur, gje që mundësitë janë për të qenë ndryshe.
Por nuk ka model të dytë në Ballkan për ta konkuruar e bërë kjo me modele alla Ballkan pazar dhe prap bën diskutim, gjithmonë sipas mendimit tim. Të shohim çudinë më pas, mbase nesër. Çudia vazhdon! D.Ziu, kompozitore”, shkruan Diana Ziu./ CNA.al
