Ed Sheeran ka mbërritur në Gjykatën e Lartë të Londrës për një betejë me një dyshe kantautorësh. Ylli e ka gjetur veten në qendër të një grindjeje për të drejtat e autorit pasi dy kompozitorë pretenduan se ai mori “Shape Of You” prej tyre.
Ai u pa teksa mbërriti në gjykatë mëngjesin e sotëm, i veshur me kostum të errët dhe kravatë. Sheeran, është në një përballje ligjore me dyshen, të cilët pretendojnë se hiti i vitit 2017 ka shkëputur pjesë të këngës së tyre “Oh Why”, dhe një gjyq tre-javor do të fillojë sot në Londër.
Sami Chokri dhe Ross O’Donoghue pretendojnë se “Shape Of You” cënon vijat dhe frazat e veçanta të përbërjes së tyre. Sheeran dhe bashkautorët e tij për këngën lëshuan procedime ligjore në maj të vitit 2018, duke kërkuar nga Gjykata e Lartë të deklaronte se ata nuk kishin shkelur të drejtat e autorit të z. Chokri dhe z. O’Donoghue.
Dy muaj më vonë, në korrik të vitit 2018, z. Chokri dhe z. O’Donoghue lëshuan kërkesën e tyre për shkelje të së drejtës së autorit, dëmshpërblim dhe llogari të fitimeve në lidhje me shkeljen e pretenduar, sipas vendimit të fundit. “Shape Of You” ishte një hit mbarëbotëror, duke u bërë kënga më e shitur e vitit 2017 në Mbretërinë e Bashkuar dhe kënga më e transmetuar në historinë e Spotify.
