Ndryshe nga këngëtarët, që stinën e Verës e kanë momentin më kulminant të vitit për të qënë sa më aktiv me hite muzikore, për televizionet ndodh e kundërta. Sapo vjen vera, programet televizie, shumica e tyre, një e nga një ikin “me pushime”, për tu rikthyer sërish në sezonin e ri televiziv, në Shtator.
Pas “Portokalli”, “Al Pazar”, tashmë radhën për të mbyllur sezonin e ka show i së dielave në Top Channel, “E Diell”. “E Diell” ka nisur disa vite më parë në Top Channel dhe është një nga programet televize shqiptare që ka ndërruar më shumë prezantues. Fillimisht ky show do të prezantohej nga Adi Krasta, Arbana dhe Xhemi. Më pas ky program përfshin më shumë prezantuese femra, si motrat Vjollca, Albana Osmani dhe Diellza Kolgeci. Duke vazhduar me nga treshen Ledion, Arbana & Xhemi. Ndërsa në sezonin e ri televiziv të 2014-ës, pas një mungese të gjatë në ekran, rikthehet prezantuesja e një sërë spektaklesh Ornela Bregu, ku do ta prezantonte këtë program së bashku me Alban Dushin, ndërsa më vonë dy prezantuesëve të “E Diell” i bashkohet edhe Luana Vjollca, të cilët vazhdojnë ende të jenë tre prezantuesit e “E Diell”.
Mos e humbisni sot puntatën e fundit të këtij sezoni të “E Diell”, prej orës 13:30 në Top Channel.
IMA/R.Sharka