Ekskluzive | Sezoni i ri në Vizion Plus. Zbuloni programet, serialet dhe datat e premierave

Data 5 shtator do të shënojë nisjen e sezonit të ri televiziv në kanalit tretë më të rëndësishëm në vend. Përos programeve të njohura programacioni i Vizion Plus do të përfshijë edhe disa tituj të rinj serialesh që vijnë premierë në këtë kanal. Gjithashtu, përveç risive në programacion do të ketë rinovime në skenografi si edhe përmirësime në cilësinë e transmetimit dhe shtrirjen e sinjalit që parashikohet me mbulimin100 % të territorit.
InfoMedia Albania ju zbulon ekskluzivisht disa nga emisionet, serialet dhe datat se kur do të nisin transmetimin.

Data 5 shtator do të nis me sezonin e ri të emisionit informativ të mëngjesit 7pa5. Një tjetër emision i rëndësishëm që do të nisë ediciinin e ri është Dritare me Rudina Xhungën, në prime time.

Përsa i përket serialeve data 5 shtator do ketë premierën e serialit të ri “Dielli i Dimrit”, në oren 18:45. Ndërsa seriali “Premtimi” do të ndryshojë orar përkohësisht, duke kaluar në 15:30. Pas përfundimit të tij vendin do e zërë “Fati i Eves” që do të transmetohet në orën 17:00 nga e hëna në të premte.

Duke filluar nga 29 gushti, sikurse dhe ju kemi informuar më parë, në orën 18:00 nis sezoni i dytë i Blind Taste, i cili do të transmetohet nga e hëna në të premte deri në fund të shtatorit.

Një tjetër serial turk do të nis në datë 3 Tetor. Pas suksesit në Tring do të vij tashmë në Vizion Plus seriali i shumë kërkuar nga teleshikuesit, edhe lexuesit e IMA, “Stina e Qershive” nga e hëna në të premte ora 18:00.
Gjatë muajit tetor, ende e pa konfirmuar , parashikohet të nis sezoni i ri i Tu Si que Vales. Sipas burimeve tona data e premierës mund të jetë nga java e fundit e Tetorit.
Muaji tetor do të mirëpres gjithashtu edhe dy spektaklet e humorit në Vizion Plus. Alpazar do të nis më datë 1 Tetor, ndërsa Apartamenti 2XL në datë 4 Tetor.
Dhe për ta mbyllur spektakli i vallëzimit Dancing with the Stars do duhet të pres vitin e ri, ku sipas parashikimeve do të nis gjatë muajit Janar 2017.
Për të zbuluar të tjera detaje dhe më shumë risi nga sezoni i ri në V+ ju ftojmë të qendroni me IMA në ditët në vazhdim.