Platforma Tring tashmë prej disa muajsh po bën “boom” me serialet e blera, mjaft të suksesshme, veçanërisht ato turke. Një tjetër serial turk premierë e 2015-ës, do të transmetohet së shpejti në ekranin e 3Plus.
I titulluar Ëndërr Luleshtrydhesh, ai flet për historinë e Aslit një vajzë e re dhe e bukur, e cila punon në një pastiçeri dhe i pëlqen të bëjë ëmbëlsira të shijshme. Gjatë dorëzimit të një torte ditëlindje me luleshtrydhe te një klient, ndodh një aksident me makinë që ia prish tortën. Personi që po i jepte makinës është Burak, një djalë beqar “donzhuan” nga një familje e pasur. Ata fillojnë të debatojnë në momentin kur përplasen dhe nuk duan ta shohin më njëri – tjetrin.
Meqënëse Asli nuk e çoi porosinë e ditëlindjes, humbet vendin e punës, menjëherë pasi kthehet në dyqan. Shumë e mërzitur, ajo nuk e di si mund të gjejë një punë të re.
Në këtë kohë, shoqja e saj Gonca, e cila punon në të njëjtin dyqan, pranon ofertën për një punë të re nga një hotel i madh në Bodrum. Ajo e fton Aslin që të shkojnë bashkë për të fituar gjatë sezonit veror.
Të nesërmen Asli dhe Gonca fluturojnë për në Bodrum, por fatkeqësisht mësojnë se hoteli në të cilin do të punonin është mbyllur. Ndërsa mundohen të gjejnë se ku do të rrijnë ato gjejnë një hotel me 5 yje, pronarët e rinj të të cilit duan të punësojnë staf të ri. Asli dhe Gonca vendosin të aplikojnë dhe të qëndrojnë aty nëse fitojnë. Por, Asli nuk e di se pronari i hotelit është Burak, djali të cilin ajo nuk donte ta shihte më kurrë.
Ëndërr Luleshtrydhesh, është një prodhim i Gold Film për kanalin e mirënjohur turk të serialeve Star Tv.
IMAlbania.com
