Moderatori dhe këngëtari Endrik Beba, dukej shumë i dashuruar në krahë të Sarës, vajzës së cilës ai i kushtoi dhe këngën e tij të fundit “Të dua”. Megjithatë, Endriku ka konfirmuar lajmin e ndarjes dhe i pyetur nga InfoMedia Albania për projektet e reja, ai na ka treguar disa prej tyre.
“Përsa i përket muzikës, pas një jave del kënga ime e re në bashkëpunim më një vajzë tepër të talentuar që quhet Jusi. Kënga do jetë në stlim tim por për momentin nuk mund të zbuloj më shumë. Mbas këtij, një tjetër bashkëpunim me mikun tim Stinen, një këngë tepër e bukur dhe që ka për t’i pëlqyer publikut por nuk dua të zbuloj më shumë.”
Muzika nuk do të jetë e vetmja ndalesë për Endrikun, të cilin e njohim edhe si moderator televiziv. Pas mbylljes së Agon Channel ai do të vazhdojë të jetë pjesë e ekranit.
“Sa i përket moderimit kam shumë plane por së shpejti do takohemi në ekranin e televiziorit.”
Endriku premton shumë për publikun dhe me sa duket do e kemi shumë pranë me projekte të reja në muzikë por edhe në televizion.