Këngëtari Endrik Beba, ish vokalisti i grupi Lynx dhe njëkohësisht moderator i suksesshëm në televizionin Agon Channel, sapo ka hedhur në treg këngën e tij të parë si solist. Pak kohë më parë ai ka deklaruar lidhjen e tij me Sara Gjordeni, Miss Globe Albania dhe së fundmi, Endriku i ka kushtuar një këngë bukuroshes.
“Të dua” mban titullin kënga me vetë tekst të shkruar nga Endriku, me shumë fjalë të ndiera dhe me muzikë të Endrit Shanit. Kënga është sjell për publikun e gjërë me një videoklip, pjesë e të cilit është edhe Sara, dashura që ia ka rrëmbyer zemrën Endrikut. Kënga sapo ka dalë në Youtube dhe ka marrë shumë pëlqime nga dëgjuesit por edhe koleg të këngëtarit.
Një këngë e realizuar në detaje dhe si gjithmonë bashkangjitur zëri i mrekullueshëm i këngëtarit, pritet të jetë një ndër hitet e kësaj vjeshte të ashpër që po vjen, ku këngëtari na fton që të duam njëri-tjetrin.
IMA / G. Qerimi
