Pas pothuajse tre vitesh në Televizionin Klan, Ermal Mamaqi tashmë është larguar nga televizioni kombëtar duke mbyllur edhe emisionin e të shtunave “Xing me Ermalin”.
Mësohet se Mamaqi është larguar si pasojë e përfundimit të kontratës së programit të tij në prime time.
Burime të InfoMedia Albania pranë KLAN bëjnë me dije se personazhi i njohur gjithashtu ka bërë një tentativë për të ardhur me një emision të ri, i cili mesa duket nuk ka arritur të pëlqehet si projekt. Projekti i Mamaqit mësohej se ka qënë një program prime time në të cilin personazhet beqarë, takoheshin dhe nëse pëlqeheshin vazhdonin në një “date” tjetër.
Ermal Mamaqi do të njoftojë largimin e tij në emisionin “Duplex” në episodin e kësaj jave./IMA/