“Më nxorën sepse unë nuk mund të bëhem lodra e programit, isha i vërtetë. Unë e kam thënë që kështu jam edhe jashtë dhe nuk mund të ndryshoj as për para, as për lojën dhe as për një njeri. Kam disa norma në jetë që i kam marrë nga përvoja, nga vuajtjet, dëshirat dhe kënaqësitë dhe kjo më ka bërë që të jem i rritur dhe të di t’i menaxhoj situatat pa u ndikuar nga loja.”-ka treguar Ervini, që pas daljes nga shtëpia, kuptoi që është më i dashur se Damiano për publikun.
“Nëse do bënim një studim nga Lapraka dhe në gjithë Tiranën, nuk janë 10 veta që thonë për Damianon bravo i qoftë. Unë kam patur mbështetje shumë të madhe nga publiku.”
Megjithatë publiku e nxori nga shtëpia dhe Ervini do t’i qëndrojë kësaj teorie, por koha do ta tregojë që ‘në atë shtëpi është ulur shumë niveli i Shqipërisë’ dhe kjo sipas ish-banorit nuk është e mirë për reputacionin e vendit. “Të tjerëve u janë bërë surpriza. Unë jam i vetmi mashkull që nuk kam bërë masazh, ndërsa të tjerët kanë kërkuar psikolog e parukiere dhe në momentin që unë kisha ditëlindjen nuk më është ofruar qoftë edhe një birrë.”-është shprehur Ervini, i prekur që nuk është trajtuar njëlloj me disa banorë të tjerë të privilegjuar (lexo këtu: Damiano).
“Në bazë të kontratës një njeri nuk lejohet të kapet me dorë dhe mua Damiano më ka kapur. Kushti tjetër në kontratë është që kur dikush del nga shtëpia, nuk futet më. Unë kam marrë presione edhe nga avokatët e produksionit. Nëse ka ndonjë reagim nga produksioni, do të jem unë i pari që mund t’u hap çështje atyre, sepse kam fakte dhe të regjistruara. Ka pasur momente të bukura që nuk janë dhënë fare, nuk janë transmetuar. U hedhin hi syve të gjithë shqiptarëve, por të gjithë e dinë kush ishte Ervini, kush ishte Damiano dhe nuk ka nevojë për koment. Kur del nga shtëpia i kupton se si kanë qenë gjërat.”