Ata do të jenë atje për ju, këtë shkurt në NBC.
Cast-i i Friends do të ribashkohen në rrjetin e tyre të vjetër (NBC) muajin e ardhshëm për një speciale prej dy orësh për të festuar arritjen e regjisorit veteran të serialeve sitcom James Burrows, i cili kohët e fundit ka realizuar episodin e tij të 1000-të (15 prej të cilave ishin të Friends).
Emision televiziv Saturday Night Live do të risjellë në ekran edhe cast-e të tjerë nga serialet e njohur të Burrows, duke përfshirë Taxi, Cheers, Frasier dhe Will & Grace. Gjithashtu, emra të njohur të produksioneve më të fundit të Burrows, si The Big Bang Theory dhe Mike & Molly, do të jenë pjesë e programit.
Kështu i gjithë grupi i Friends: Jennifer Aniston, Courteney Cox, Lisa Kudrow, David Schwimmer, Matt LeBlanc dhe Matthew Perry do të nderojnë regjisorin me pjesëmarrjen e tyre. Një moment televiziv që pritej prej kohësh nga fansat dhe që padyshim do të jetë nga më të suksesshmit e vitit.
Burrows arriti shifrën 1,000 episode Nëntorin e kaluar me regjinë e njërit prej episodeve të serialit comedy Crowded, që transmetohet po në NBC.
Emisioni special do të regjistrohet gjatë këtij muaji në Los Angeles për tu transmetuar të dielën e 21 shkurtit ora 9/8c.
