Pas suksesit të sezonit të parë docu-reality Lufta e Nuseve rikthehet me episodet e reja të sezonit të dytë.
Ashtu siç ju kemi informuar edhe më parë sezoni i dytë i formatit origjinal shqiptar në TV Klan do të ketë kumbare prezantuesen Ami (Amarda Toska) e cila do të mirëpres nuset e reja në ambientet e agjensisë së saj të eventeve.
Formula e këtij formati ka për protagoniste tre nuse të vërteta, të cilat konkurojnë për të fituar muajin e mjaltit. Fustani, arredimi, pritja, gatimet janë kriteret për të fituar këtë sfidë, fituesen e të cilës e zgjedhin vetë ato përmes votimeve në dasmat e njëra-tjetrës.
Sezoni i dytë do të nisë së shpejti në TV Klan sikurse paralajmëron edhe spoti tv, por IMA ka zbuluar se data kur parashikohet të nis transmetimi do të jetë pikërisht e diela e dytë ose e tretë e muajit shkurt.
