Fundim Gjepali, është ky emri i shefit që do të zerë vendin e Gëzim Musliaka ne edicionin e tretë të MasterChef Albania.
Pas dy edicionesh të suksesshëm shefi i Gourmet Restaurant Marchesi Gëzim Musliaka do t’i lerë vendin një tjeter shefi mjaf te talentuar ne edicionin e ri te talent show-t MasterChef.
Bëhet fjalë për Fundim Gjepali, shefi ekzekutiv i restorantit “Antico Arco”, është vlerësuar në mars të këtij viti me çmimin e parë në “Çmimin e Madh Ndërkombëtar të Kuzhinës Mesdhetare”.
Fundimi vjen nga një familje që bujqësinë blegtorinë e ushqimin e shëndetshëm e ka vlerësuar gjithmonë, është i fundit ndër pesë fëmijë. Ka kaluar 14 vjetët e fëmijërisë në Shijak ku sot ka prindërit e vëllezërit. Në 1996-tën u zhvendos në Romë, pranë të motrës. Nuk ka bërë një shkollë të mirëfilltë kuzhine, për të cilat nuk mendon se janë shumë të dobishme, por ka ndjekur me dhjetëra stazhe e konferenca, në Francë, Spanjë, Itali, në të cilat mëson gjithnjë, jo thjesht receta të reja, por kombinime të mundshme ingredientësh, metoda e teknika të reja konservimi, përdorimi, “ndërtimi” dhe paraqitjeje të pjatave.
