Nuk është më një sekret, Ermal Mamaqi sezonin e ri televiziv në shtator do të debutojë në ekranin e TV Klan.
Pak ditë më parë moderatori i “6 Ditë pa Ermalin” i dha fund eksperiencës së t8j televizive në Digitalb për të lidhur kontratën e re me Tv Klan, pas bisedimeve dhe ofertës që vetë pronari i televizionit më të ndjekur të momentit, Aleksandër Frangaj i bëri Mamaqit. Një ofertë që askush nuk do t’i rezistonte edhe pse shifra konkrete për të cilën Ermal Mamaqi ka pranuar nuk dihet, e sigurt është që kalimi në një tv kombëtar i aksesueshëm nga të gjithë do të rrisë edhe më shumë audiencën, duke pasur parasysh suksesin e emisionit në pay-tv.
E ndërkohë që sapo ka përfunduar sezoni televiziv dhe shumë prej personazheve televiziv kanë filluar pushimet verore, stafi realizues i formatit të ri në TV Klan ka nisur përgatitjet e para me ideimin e skenografisë e cila pritet të jetë po aq e arrirë sa edhe programet e tjera në Klan. Bashkëpuntori i përhershëm, skenografi italian Gaetano Castelli ka qenë sot, sëbashku edhe me Ermal Mamaqin, në ambientet e studios ku do të realizohet emisioni i ri për të konceptuar projekt idenë e asaj që do të jetë skenografia e emisionit të ri, i cili për momentin nuk ka ende një emër.
Në profilin e tij në IG, Ermali ka ndarë me fansat një moment nga puna me Gaetano Castelli-n dhe ka ftuar fansat tëjapin që tani sygjerimet për të ftuarit e parë në sezonin e ri.