Shifrat e Game of Thrones konfirmojnë suksesin e serialit tv edhe përsa i përket download-imit ilegal: seriali i HBO është më i shkarkuari për të pestin vit rradhazi si telefilmi më i piratuar i vitit. Ky rezultat është bërë i ditur nga website-i Torrent Freak, i cili ka stiluar klasifikimin e dhjetë serialeve tv më të shkarkuara ilegalisht për vitin që po lëmë pas.
Në vendin e parë renditet Game of Thrones, i cili gjatë finales së sezonit të gjashtë ka arritur shifrën e 350 mijë download nëpërmjet Torrent. Një numër padyshim më i ulët kundrejtë miliona telespektatorëve që e ndjekin shfaqjen në tv, por që diktojnë një interes të madh ndaj këtij telefilmi.
Në vazhdim, një tjetër sukses i televizionit kabllor, The Walking Dead, ndërsa në vendin e tretë pozicionohet risia e sezonit, Westworld, që jo vetëm nënvizon suksein dhe interesin që ka patur seriali që në sezonin e parë, por evidenton edhe faktin se HBO mbetet një nga kanalet, produksionet e të cilit janë më prirur ndaj shkarkimit ilegal.
Pozicioni i katërt në këtë klasifikim mbahet nga The Flash, i ndjekur nga Arrow. Në zbritje gjejmë The Big Bang Theory, i cili kalon nga pozicioni i tretë i vitit të kaluar në vendin e gjashtë këtë vit. Vendi i shtatë rendit Vikings, ndërsa në vendin e tetë gjejmë një new entry, Lucifer. Klasifikimi mbyllet me Suits, në vendin e nëntë dhe The Grand Tour në vendin e dhjetë, programi i Amazon Video nga krijuesit e Top Gear që debutoi mujin e kaluar duke tërhequr vëmendjen e një publiku të gjerë.
Një faktor i rëndësishëm që ka venë në dukje Torrent Freak është numëri gati i pandryshuar i shkarkimeve ilegale dhe rritja e publikut i cili tashmë po edukohet me përdorimin e shërbimeve që vetë transmetuesit ofrojnë me çmime të arsyeshme duke i drejtuar ata në shikimin e serialeve nëpërmjet platformave të ndryshme me pagesë.
Serialet tv më të shkarkuara të 2016-ës
1 – Game of Thrones
2 – The Walking Dead
3 – Westworld
4 – The Flash
5 – Arrow
6 – The Big Bang Theory
7 – Vikings
8 – Lucifer
9 – Suits
10 – The Gran Tour
