Ditën e sotme është publikuar bashkëpunimi i parë i Genta Ismajlit me Feron.
“Level Up” është titulli i këngës, i cili duket se po pritet mjaft mirë nga fansat e tyre. Ndërkohë surpriza e këtij projekti është këngëtarja e njohur.
Arsyeja? Genta kësaj radhe është shfaqur edhe si repere, duke i befasuar të gjithë me talentin e saj. Edhe pse numëron një sërë këngësh në repertorin e saj muzikor, nuk na kishte rastisur që ta dëgjonim teksa bënte rep.
Por në këtë projekt ajo ka dhënë më të mirën e saj dhe fansat e kanë komplimentuar shumë. Nga ana tjetër, kënga është pjesë e albumit të Feros që mban titullin “Goat”.
Fero u rikthye disa javë më parë në muzikë pasi për disa kohë ai qëndroi në pushim, madje u zhduk edhe nga rrjetet sociale. Para pak ditësh reperi erdhi në bashkëpunim me Stresin, me këngën e tyre të titulluar “Mahall”.
