Getoar Selimi është një nga reperët më të njohur të tregut muzikor shqiptar, teksa prej vitesh tashmë njihet për projektet e suksesshme dhe hitet, por edhe për krijimin e grupit “Babastars”, një nga label-at që ka “prodhuar” disa prej artistëve më të mirë të hip hop-it dhe jo vetëm. Megjithatë, pavarësisht suksesit të grupit, “Babastars” nuk i ka shpëtoi dot ndarjes, ose të paktën largimit të shumicës së pjestarëve të tij, ndërsa projekti i tyre i fundit ka qenë para shumë kohësh. Ish-pjestarët e grupit, Skivi apo Cozman. kanë dhënë variante të ndryshme për “shpërbërjen”, ndërsa së fundmi në lidhje me këtë ka folur për herë të parë edhe Ghetto.
Në një intervistë për “NIN” reperi ka folur për herë të parë në lidhje me grupin dhe atë që ka ndodhur, ndërsa ka treguar detaje në lidhje me arsyet e largimit të bashkëpunëtorëve të tij.
“Nuk kam dashur të flas gjërat e brendshme, por mund të them se ne… unë kam qenë ai që, asnjërit prej tyre nuk i kam marrë asnjë cent. Unë kam bërë për këta njerëz, ka fakte se kush i ka shkruar ato këngë të tyre. Pakënaqësitë kanë qenë mes njëri-tjetrit se sa për mua. Unë kam bërë punë, më iknin edhe nga studio, unë kam fjetur në studio. Problemi është se jam marrë me mish e shpirt me ta. Vendosëm të jetonim në Tiranë, pas një muaji që kaluam në Evropë… Ledri u largua për çështje personale, kurse të tjerët i kemi larguar prej çdo obligimi”, – ka thënë Getoari ndër të tjera.
Ai gjtihashtu ka treguar se në mbledhjen e fundit si grup, të gjithë kishin kuptuar se nuk mund të funksionin më, prandaj tani secili prej tyre do fokusohet në karrierën solo,
https://youtu.be/r8kko7V1-Hk
