Operatori pay-tv në Greqi, Nova ka siguruar të drejtat e transmetimit të serialit të ardhshëm amerikan “The Deuce”, duke e transmetuar atë paralelisht me premierën e tij në Shtetet e Bashkuara.
I krijuar nga Gorge Palecanos dhe David Simon, The Deuce tregon historinë e legalizimit dhe lulëzimit të industrisë së filmave për të rritur në New York gjatë viteve 1970-1980.
Duke filluar nga 10 Shtatori, çdo episod i serialit do të shfaqet dy herë në ditë në orare të ndryshme: së pari në të njëjtën kohë me transmetimet amerikane të dielave në orën 04.00 dhe të nesërmen në orën 22.00 me orën lokale. Episodet do të jenë gjithashtu të disponueshme nga VoD Nova dhe shërbimet mobile, Nova On Demand dhe Nova GO.
Nova ndër vite ka rritur bashkëpunimin e vet me HBO. Ajo ka një marrëveshje afatgjatë edhe për Game of Thrones./IMA/
