I larguar prej vitesh larg vendlindjes aktori i “Beni ecen vete”, Herjon Mustafaraj duket se ka gjetur më në fund atë çfarë i ka munguar prej vitesh, aktrimin, profesionin që e bëri të njohur dhe të paharrueshëm për publikun me disa role të gëdhendura në kujtesën e nostalgjikëve.
Kur këtë fundvit në programin e ndërrimit të viteve në Top Channel ai u shfaq me një skeç të tijin, të gjithë menduam se sezoni i ri do e gjente si një nga aktorët e Portokalli por nuk ndodhi kështu, e megjithate dalja e tij në ekran nuk kaloi pa lënë gjurmë. Produksioni i formatit më të ri në Vizion Plus, Grand Hotel 2XL, ka vendosur të integrojë në cast-in e aktorëve Herion Mustafaraj, që padiskutim do të dijë të na bejë për vete me karakterin e tij pas të cilit jemi afeksionuar që fëmijë.
Herjon Mustafaraj është aktori i dytë i njohur që i bashkohet Grand Hotel 2XL pas Erand Sojlit, dy emra mjaft të njohur të skenës shqiptare që premtojnë sukses për formatin e ri që do të nis në muajin mars.