Top Channel konfirmon transmetimin e sezonit të tretë të Homeland.
Seriali amerikan political thriller Homeland do të vazhdoj të transmetohet me episodet e sezonit të tretë në Top Channel.
Seriali televiziv i krijuar nga Howard Gordon dhe Alex Gansa i bazuar në serialin izrailian Hatufim (Prisoners of War krijuar nga Gideon Raff), në sezonin e tretë përmban 12 episode, dhe është transmetuar për herë të parë në Shtetet e Bashkuara të Amerikës nga kanali kabllor Showtime në 29 shtator deri në 15 dhjetor 2013.
Në rolet protagoniste gjejmë Claire Danes në rolin e Carrie Mathison dhe Damian Lewis në rolin e Nicholas Brody. Në këtë sezon janë bërë pjesë e cast-it kryesor aktorët Rupert Friend, Sarita Choudhury, Tracy Letts dhe F. Murray Abraham. Në fund të sezonit dalin nga cast-i kryesor Damian Lewis, Morena Baccarin, Jackson Pace, Morgan Saylor, Sarita Choudhury dhe F. Murray Abraham. Diego Klattenhoff, David Marciano dhe Navid Negahban shfaqen si guest star.
Sezoni i tretë hapet në vijim të sulmit terrorist kundër CIA-s shkaktuar nga ndjekësit e Abu Nazir. Carrie Mathison, është e vetmja dëshmitare që do të japë llogari për dështimin e Agjencisë, sipas senatorit Lockart i cili e merr në pyetje para Komitetit të Senatit. Nga ana tjetër Brody është i detyruar të qendroj i fshehur në Karakas, ku ndodhet aktualisht i burgosur deri në ardhjen e Saulit, i cili ka një mision për t’i ofruar. Carrie, e udhëhequr nga Sauli, Drejtori i ri i CIA-s, po zbaton një plan më madhor, madje duke rrezikuar edhe karrierën saj, për të arritur një burim akoma më të rëndësishëm: Majid Javadi, agjent i shërbimeve segrete iraniane, financues i një sulmi të pa kryer ndonjëherë kundër Agjencisë Qendrore të Inteligjencës (CIA).
Trailer zyrtar
https://www.youtube.com/watch?v=WrAcol3XFds
