I ati i Djokoviç akuzon Federer: Tenist i madh por njeri i keq

Bashkohuni me grupin tonë zyrtar në Facebook duke klikuar këtu!

Pak javë më parë Novaj Djokoviç theu rekordin e Roger Federer duke u bërë tenisti që ka mbajtur më shumë javë kryesimin si numri 1 në botë për meshkuj dhe pavarësisht kësaj, sportisti zviceran konsiderohet si një nga më të dashurit për tifozët.

Por për të atin e Novak Djokoviç, gjërat janë ndryshe dhe e konsideron rivalin e lojtarit serb si një njeri jo të mire ashtu siç e shikojnë të gjithë nga jashtë. Ai argumenton mendimin e tij dhe i rikthehet një episodi të disa viteve më parë.

“15 vite më parë, Roger sulmoi djalin tim kur ai ishte shumë i ri, 18-19 vjeç, tha disa gjëra jo të mira si duket e kishte kuptuar që do të bëhej më i mirë se ai. Unë e kam thënë gjithmonë që Federer është një kampion i madh, më i miri në kohën e tij por edhe pse mund të jetë një kampion i tillë ai nuk është njeri i mirë”

60-vjeçari Srdjan Djokoviç i cili disa herë është bërë objekt debatesh me kritikat ndaj Federer por edhe Nadal theksoi se ka thënë gjithmonë vërtetën dhe ndoshta djali i tij është paragjykuar prej sjelljeve dhe deklaratave që ai ka bërë në media. Ai nuk bën asnjë hap pas edhe pse u shpreh se i vjen keq që tifozët e shikojnë Djokoviç me një sy ndryshe nga dy të tjerët por insistoi se nuk mund të shmangë disa gjëra të vërteta që askush nuk del t’i thotë.

BurimiOra News
Artikulli paraprakPezullohet puna në aeroportin “Nënë Tereza”, punonjësi debat me Ballukun: Nuk mund t’ju presim pafundësisht
Artikulli tjetërSHBA kundër pasaportave të vaksinimit