Kësaj rradhe Viti i Ri në ekranin e Vizion Plus do të sjelli mjaft larmishmëri në programacionin e vet. Duke filluar që në mëngjes herët me emision “7pa5” dhe duke vazhduar gjatë paradites me filma me natyrë festive.
Dreka do ti dedikohet të rinjve me “NEXT”, i cili do të bëj një rezyme të të gjithë vitit dhe këngëve që rezultuan ndër më të suksseshmet si dhe ashtu si gjithmonë rubrikat e zakonshme.
Pasditja në Vizion Plus do të jetë më e gjatë, Orinda dhe Anila do të jenë në transmetim për rreth dy orë ,ku në rubrikën e parë “Nje baba Si…” do të jetë Julian Deda i cili do të flasë për mardhenien me gruan e tij, prindërit, dhe fëmijet. Gjithashtu këtë ditë fundviti do të zbuloni dhe një talent tjetër të tij.
Me pas “Vizioni i Pasdites” do të vijoj me rubrikën e rradhës “Një familje si e Oltes dhe Fabit”, të cilët do të jenë me fëmijët e tyre Liam dhe Tristan. Ciljeta Xhilaga do të jetë personazhi i rradhës në rubrikën #merrtaxi.
Florian Agalliu do të jetë pjesë e këtij formati i me vajzën e tij Mian.Gjyshet e emisionit Aldie, Fatime, Bedrie dhe Mona nuk kanë se si të mungojnë në këtë puntat festive. Turjan Hyska drejtori i Vizion Plus gjithashtu do të jetë në një “hetuesi” para fëmijëve të Vizionit të Pasdites. Me pak fjalë për mos të zbuluar gjithçka “Vizioni i Pasdites do t’ju dhurojë argëtim dhe të qeshura pa fund.
Mbrëmja e 31 Dhjetorit në Vizion Plus si dhe Viti i Ri 2016 do të mirëpritet me vallëzime. Do të jetë pikërisht “Dancing With The Stars” që do ia shtoj ngjyrat festive këtij ekrani, me natën Finale e cila do të jetë e gjitha LIVE ndryshe nga çdo televizion tjetër që emisionet festive do ti ketë të xhiruara. Kështuqë fansat e “Dancing…” të stacionohen para Vizionit në orën 21:30.
Agron Llakaj dhe banda e tij e humoristëve nuk do të mungojnë a këtë fillimviti në “AlPazar” , i cili do të transmetohet në mbrëmje në orën 21:00 ku ndër të ftuarat e kësaj puntate speciale të Vitit të Ri do të jetë edhe diva e muzikës Aurela Gaçe.
Info Media Albania | Nuk lejohet kopjimi i këtij materiali pa autorizim
